Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Infektologu, Hamdi Ramadani, e cilëson shqetësuese situatën e fundit me Covid-19 në Kosovë, pasi vetëm gjatë 24-orëshit të fundit janë regjistruar mbi 500 raste të infektuarish dhe dy persona kanë humbur jetën. Ai u bën thirrje institucioneve kompetente që t’i rikthejnë masat shtrënguese në vend, sepse siç shprehet, vaksinimi e imunizimi për momentin nuk mund të ndihmojë meqë është numër i vogël i tyre. Ramadani shton që Instituti Kombëtar i Shëndetësisë Publike duhet të dalë në mënyrë emergjente me qëndrime e vendime të prera se si duhet ndalur ky numër të infektuarish dhe që së bashku me Ministrinë e Shëndetësisë të ndërmarrin masa të shpejta e të menjëhershme sepse sipas tij, situata mund të shkojë edhe më keq dhe të përshkallëzohet gjendja.
