Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Isa Mustafa, mori pjesë në takimin-videokonferencën, me liderët e EPP-së, në Samitit të Zagrebit
Kryetari i Lidhjes Demokratike të Kosovës, Isa Mustafa, sot me ftesë të presidentit të Partive Popullore Evropiane, Donald Tusk, ka marrë pjesë në takimin-videokonferencën, me liderët e EPP-së, organizuar nga partitë popullore, në kuadër të Samitit të Zagrebit. Në këtë takim, kryetari Mustafa, ka diskutuar për perspektivat e BE-së për vendet e Ballkanit Perëndimor dhe sfidat me të cilat janë duke u ballafaquar këto vende, në veçanti me pandeminë Covid-19. Ai ka kërkuar mbështetjen e të gjitha vendeve të BE-së për liberalizimin e vizave. Po ashtu, kryetari Mustafa, ka diskutuar për objektivat e qeverisë së LDK-së, përfshirë trajtimin e situatës së post pandemisë, rimëkëmbjen ekonomike, forcimin e ligjit, luftimin e korrupsionit dhe objektivat tjera kyçe që do të ndikojnë në zhvillimin e Kosovës. Në këtë pikë, kryetari Mustafa ka theksuar se dialogu Kosovë – Serbi do të jetë në fokus, që synon të ketë njohjen reciproke. Ai ka falënderuar BE-në për përkrahjen e deritanishme në të gjitha proceset.
