Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Isa Mustafa i është kundërpërgjigjur kritikave të Kryetares së Kuvendit, Vjosa Osmani. Ai ka deklaruar se Osmani është kopje e Albin Kurti. Mustafa ka thënë se LDK-ja i ka humbur zgjedhjet e 6 tetorit të vitit të kaluar sepse Vjosa Osmani, si kandidate për kryeministre nga LDK-ja, gjatë fushatës kopjoi Albin Kurtin “LDK-ja e ka kandiduar znj. Osmani për kryeministre në zgjedhjet e kaluara. Për kryeministre të LDK-së, jo të Vetëvendosjes, sepse VV-ja e ka pasur kandidatin e saj. Kur kemi hyrë në fushatë, LDK-ja, në bazë të matjeve të opinionit, ka qenë 6 për qind para Vetëvendosjes. Kemi përfunduar pas saj sepse fushata është zhvilluar duke e kopjuar Albinin. Qytetarët përkrahën origjinalin e kësaj politike, Albinin, jo kopjen, Vjosën. Qytetarët nuk votuan që LDK-ja të bëhet Vetëvendosje”, ka deklaruar Mustafa. “Nuk është përdhosur vullneti i qytetarëve i 6 tetorit të vitit të kaluar, por është përdhosur vullneti i atyre që kanë garuar dhe janë mbështetur nga LDK-ja, kurse kanë mbajtur dhe mbajnë anën e partive tjera, që s’kanë asgjë të përbashkët me LDK-në dhe me frymën rugoviane por po dëshmohen se janë e kundërta e kësaj fryme”, ka thënë Mustafa.
