Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në fjalën e tij para Gjykatës Speciale, në Hagë, ish eprori i lartë i UÇK-TMK-FSK-së, Salih Mustafa ka thënë se lufta e UÇK-së ishte e drejt luftë për liri dhe ndihet krejtësisht i pafajshëm. Si luftëtar i lirisë dhe ish epror i UÇK-së, duke besuar thellë në betimin UÇK-së, kam qenë i bindur thellë se lufta për liri ka qenë e drejtë e pashmangshme dhe e domosdoshme. Okupimi i gjatë fashist me përmasa gjenocidale i Millosheviqit, si dhe pas luftërave të përgjakshme te këtij kasapi në Bosnjë, mua dhe popullit tonë nuk na kishte lënë shumë zgjidhje. Ose të jemi të përndjekur, pa athe e pa liri, ose të organizoheshim në një rezistencë të gjithanshme që kulmoi me luftën e UÇK-së, për liri, pavarësi e shtet demokratik. Duke besuar në moralin, dhe bindjet e mia, duke respektuar shtetin, duke qenë thellë i bindur se UÇK kurrë nuk ka qenë organizatë terroriste, apo bande kriminale, por ushtri çlirimtare që lindi nga populli, duke derdhur edhe gjakun e bijëve dhe bijave tona, është bërë gur-themel i lirisë që ne sot e gëzojmë. Salih Mustafa foli me këtë rst edhe për krimet që serbët kanë kryer në Kosovë, duke kërkuar që këto krime të zbardhen nga kjo Gjykatë.
