Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i Brigadës 124 të Ushtrisë Çlirimtare të Kosovës gjatë luftës, Ismet Tara thotë se ka luftuar me të gjitha forcat për çlirimin e Kosovës dhe nuk ka përse pendohet, as i frikësohet ndonjë gjykate. Duke qenë i ftuar për ta marrë në pyetje nga Gjykatën Speciale në Hagë, më 17 shkurt të këtij viti, ai ka thënë se nuk pendohet për asnjë armik që e ka vrarë në fushë-betejë dhe aktakuzat e Speciales i quan të pabaza dhe të përgatitura nga Beogradi. I gatshëm të përballet me çdo aktakuzë, Tara thotë se beson në pastërtinë e luftës së UÇK-së. Për besimin në luftën që ka zhvilluar ndihet krenar, saqë nuk do të angazhojë asnjë avokat për mbrojtjen e tij. Do të triumfoj para kësaj gjykate ‘të padrejtë’. Kjo gjykatë raciste, nuk mund të vendosë drejtësi. Bindjen e tij se ndihet i pafajshëm e bazon me intervenimet e NATO-s kundër regjimit kriminal të Serbisë së kohës së Milosheviqit. Tara thotë se nuk do të pranojë ndihmë për mbrojtje as nga buxheti i Kosovës, por ka kërkuar që shpenzimet e udhëtimit t’ia kryejë Gjykata Speciale në Hagë.
