Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Italisë, Angelino Alfano, ka siguruar ministrin e Jashtëm të Kosovës, Behxhet Pacolli, se Italia do të ofrojë mbështetje për rritjen e investimeve dhe liberalizimin e vizave për Kosovën, duke thënë se dëshiron që Kosovës t’i jepet një datë në integrimin e saj në BE. “Jini të sigurt në mbështetjen tonë në gjithçka, në liberalizimin e vizave, integrimin ndërkombëtar, rritjen e investimeve, sepse ne jemi avokati i Ballkanit në përgjithësi, që ka rëndësi të jashtëzakonshme për ne dhe Evropën, por dhe i Kosovës në veçanti. Ne duam që Kosovës t’i jepet një datë në integrimin e saj në BE. Mbështetja jonë synon forcimin e sovranitetit kombëtar të Kosovës”, tha ministri Alfano. Ndërsa, ministri Pacolli kërkoi mbështetjen italiane në kuadër të Organizatave Ndërkombëtare, për anëtarësimin e Kosovës në Interpol, UNESCO, Këshill të Europës, e organizata të tjera.
