vipa
driloni com
AKP
Fillimi / Analiza / Jakup Krasniqi: Çka tregojnë takimet zyrtare në Bruksel?
Jakup Krasniqi

Jakup Krasniqi: Çka tregojnë takimet zyrtare në Bruksel?

Në fotografitë  e mëposhtme tregohet baras-vlershmëria e funksioneve të ndryshme kushtetuese të vendeve kryesore të demokracive perëndimore. Rasti i Gjermanisë, ku pushteti ekzekutiv është i përqendruar te kancelarja (kryeministrja) është i barasvlershëm me presidentet e vendeve presidenciale apo gjysmë-presidenciale. Edhe Gjermania ka president, por, presidenti i saj është ceremonial dhe si i tillë nuk mund ta zëvendësojë kancelerën e Republikës Federale të Gjermanisë. Pra, janë kushtetutat e këtyre vendeve ato që e përcaktojnë fuqinë e pushteteve të personaliteteve të shtetit. Kjo do të thotë se në republikat parlamentare, kryeministri që përfaqëson pushtetin ekzekutiv i përgjigjet presidentit në vendet presidenciale a gjysmë presidenciale siç janë SHBA-të e Franca.

Republika e Kosovës është republikë parlamentare dhe fuqia ekzekutive e pushtetit është e koncentruar te kryeministri. Jo më kot edhe gjithë fushata zgjedhore bëhet për Kuvendin si organ më i lartë legjislativ dhe kryeministrin si pushtet ekzekutiv. Madje në fushatë askush nuk garon që të bëhet president apo kryetar i Kuvendit, por e gjithë fushata bëhet për qeverinë e kryeministrin.

Krejt ndryshe është në Serbi. Atje presidenti zgjidhet nga qytetarët dhe është po ai që e përcakton edhe kryeministrin / kryeministren e Serbisë. Pra edhe kushtetuta jonë si ajo e RF Gjermane, kryeministrin e Kosovës e bën të barasvlershëm me presidentin e Serbisë. Sipas Kushtetutës sonë Kryetari (Presidenti) i shtetit është ceremonial.

Këto që i thashë, nuk besoj që nuk i dinë zyrtarët e lartë të Brukselit! Pse ata e heshtin këtë çështje, edhe pse besoj që e dinë shumë mirë. Mbase edhe duhet të pyeten, pse veprojnë kështu? Mbase ata mund të thonë se i përket Kuvendit tuaj që ta përcaktojnë se kush duhet t’ju përfaqësojë si shtet në ato bisedime!

Kontrolloni gjithashtu

Ministri Pacolli po vazhdon të lobojë për njohjen e Kosovës në takime me ministat e shteteve që nuk na kanë njohur

Ministri Pacolli po vazhdon të lobojë për njohjen e Kosovës në takime me ministat e shteteve që nuk na kanë njohur

Në kuadër të takimeve të shumta që kryediplomati kosovar, Behxhet Pacolli, po zhvillon me homologët ...