Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një ditë pasi ministrja e Drejtësisë, Albulenë Haxhiu, kishte dhënë një deklaratë para Prokurorisë së Kosovës, lidhur me rastin, Dehari, sot janë përfshirë nga zjarri dy zyra në objektin e Institutit të Mjekësisë Ligjore në QKUK, pikërisht aty ku pretendohet se kanë humbur mostrat e gjakut të të ndjerit Astrit Dehari. Zëdhënësja e Policisë, Flora Ahmeti, ka thënë se zjarri është lokalizuar nga zjarrfikësit, kurse nuk raportohet për persona të lënduar. Në raport thuhet se oot rreth orës 08:00, në Institutin e Mjekësisë Ligjore në Prishtinë , dy zyra janë përfshirë nga zjarri. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar. Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka thënë, Flora Ahmeti.
