Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori gjerman në vendin tonë, Jorn Rohde, ka marrë pjesë në tryezën e organizuar nga Komisioni për Integrime Evropiane në lidhje me raportin e Bashkimit Evropian për Kosovën. Ai ka folur për mungesën e bashkëpunimit pozitë e opozitë, duke sqaruar se për shkak të mos-votimit të marrëveshjeve ndërkombëtare, Kosova i humb 400 milionë euro. Rohde, i ka bërë thirrje Kosovës që të bëjë edhe më tej përpjekje për zbatimin e marrëveshjeve të arritura me Serbinë, duke shtuar se ajo ka qenë e përkushtuar “në dialogun e lehtësuar nga BE-ja. Sipas tij, është e rëndësishme që të arrihet një moment në bisedimet me Serbinë. Rohde ka thënë se sfiduese për Kosovën mbetet lufta ndaj korrupsionit, reforma e administratës publike dhe sundimi i ligjit.
