Jusuf Zenunaj

Jusuf Zenunaj: Në Tiranë na ka ardhur Kirilli

Në fund të prillit vjen Patriku rus

bashkë me Janullatosin

do hedhin ujë në pus !

Me miqësinë e vjetër

gjysmë-shekullore;

mbulimi i gjurmëve të Nolit,

do t’u shkojë përdore.

Patriarkut rus,

dorën e miqësisë

do t’ia shtrijë Meta

me të parët e qeverisë.

 

27 prill 2018

 

UNË S’U KAM FAJ

 

U dallova në luftë,

në fushë, bjeshkë e në mal,

nuk më dhimbset  jeta,

prapë vendit zot i dal.

Gjëja që m’çuditë

më së shumti n’liri,

janë  bakëluftëtarët

nga Ibri e deri n’Dri,

ca më këqyrin vengër,

të tjerë s’duan t’më shohin me sy –

unë s’u kam faj

që bëra pasuri !

 

27 prill 2018

 

 

HANKO HALLA DHE LLAJKET

 

Një ditë sapo u zgjua Hankoja nga shtrati,

u ul në karrige sikur ta kishte zënë inati,

pse s’di të kyçet në internet

sikur e mbesa e fqinja e vet !

U gëzohen lajkeve , kur i marrin

nga emri n’emër me kujdes ndalen

“ky e ajo m’paskan pëlqyer “,

u qeshen fytyrat si bujkut për diell,

buzêt u varen sikur fëmijës n’djep,

tek shikojnë foto në bjeshkë e n’det

edhe vargje kanë zënë të shkruajnë,

si n’shqip ashtu në gjuhë të huaj

edhe ata që fare s’i kuptojnë

me minin magjik nga një llajk ua lëshojnë,

borxhin ua kthejnë n’ë t’ njëjtën mënyrë,

qoftë në mesnatë , qoftë ditën me diell…

 

24 prill 2018

 

PSE ÇUDITENI ME DISA VETERANË

 

Kanë hequr veteranët e miqësisë e të lekut

në dasma e në ahengje u ka ushtuar dyfeku,

kështu flisni e përflisni , kot i përgojoni,

mundin e sakrificën nuk ua kuptoni ? !

Armët e tyre s’ua ka hetuar armiku,

as agu, as terri, pula ,as gjeli.

Kanë luftuar edhe prej Brukseli,

kur kërkonin strehim,

mbas lufte armët u çiten tym.

 

23 prill 2018

 

16 KUVENDARË NË SEANCË

 

Për libër të Ginisit është Kuvendi ynë;

16 kuvendarë në seancë rrinë,

të tjerët kanë ikur

pasi nënshkruan prezantimin,

i ka kapur vapa,

nuk është si në dimër.

Ministrat me zëvendësit

nuk duken gjëkundi,

të lodhur nga puna

mund t’i ketë zënë gjumi.

Ata që s’flasin kurrë,

sot, syri na i kërkon,

prania heshtake

numrin e shton.

Kuvendi ynë me cilësi prin

si për qilima leshi tabaçinë…

 

20 prill 2018

Kontrolloni gjithashtu

Albert Zholi

-Albert Z. ZHOLI: Flasin për Ditën e Verës: Luan Zhegu, Bashkim Alibali, Paro Ziflaj dhe Vitore Stefa. Leka

Flasin Luan Zhegu, Bashkim Alibali, Paro Ziflaj dhe Vitore Stefa. Leka -Dita e Verës nuk …