MIT
valamobile
Airport Adem Jashari
kek
mbpzhr grante
Fillimi / Kultura / Jusuf Zenunaj: Sot është nder të mos kesh nder
Jusuf Zenunaj

Jusuf Zenunaj: Sot është nder të mos kesh nder

Është nder të t’mos kesh nder,

je gënjeshtar të hapet çdo derë,

pate fat e hyre në politikë

varfërisë i thua ik.

Ke miq e je i pa shkollë

diploma të vjen në dorë,

vendi i punës të pret

në kuvend e në fakultet.

Për pesë-gjashtë vjet

sa i madh bëhesh

s’e beson as vetë !

 

20 mars 2019

 

 

SHTËPITË E MBYLLURA

 

Atdheu po zbrazët,

pakohen djem e vasha,

nxënës ,studentë e fëmijë,

në Dardaninë e vjetër

si në Nënën Shqipëri !

Flasim e përflasim

në ndenja, rrugë e në tv,

në gazeta e në portale,

atdhu po zbrazët,

dikush thotë punë e madhe….?!

Shtëpitë e mbyllura

ditë e natë shtohen –

qeveritë majmërohen !!!

 

J.Z. 22 mars 2019

 

 

KËPUTE LULEN

(Shtatëvjeçarit të vrarë në Zvicër)

 

Fjalët këputen në rrokje;

ngatërrohen nëpër dhëmbë,

loti pikon në heshtje,

nëna e mekur

nuk nxjerr dot gjëmë !

Ti moj plakushe,

që lulen prej kopshti këpute !

A ke qenë ndonjëherë nënë ?

A ke përgdhelur nipa e mbesa

apo vrasëse të bëri jeta ?!!

 

J.Z. 22- 23 MARS 2019

 

 

GJUHA NË TV

 

Gjuha në TV – ët tona

me gazetarët e rinj,

e bukur sikur pranvera

me breshër e jo me shi.

Me zërin e ushtruar për mikrofon

siç i nisin lajmet, ashtu i mbarojnë .

Për ngritje e ulje të zërit

fare s’kanë nevojë

nuk janë film,

as në teatër – në lojë.

Si në poezitë “moderne”

pa pikë e pa presë,

fjalët i ndërprejnë

si mullisi miellin në thes.

Lektorët në TV s’kanë vend si dikur,

gjuha pasurohet nën urë e mbi udhë,

me fjalët e huaja më shumë se kurrë ! ?

 

J.Z. 20 mars 2019

Kontrolloni gjithashtu

RKL: Emisioni i fundit gjatë luftës i Radios Kosova e Lirë i transmetuar 20 vjet më parë

RKL: Emisioni i fundit gjatë luftës i Radios Kosova e Lirë i transmetuar 20 vjet më parë

Më 21 qershor të vitit 1999, Radio-Kosova e lirë ka përmbyllur transmetimin në Malet e ...