Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot për herë të parë pas çlirimit të Kosovës nga Serbia dhe pas shpalljes së Pavarësisë, koalicioni më i panatyrshëm politik, qeveritar: PDK-LDK-Lista e Vuçiqit dhe kryetari i Kuvendit me ndihmën e Policisë së tyre kanë arrestuar dhjetëra deputetë dhe më në fund kanë përjashtuar tërë opozitën nga Kuvendi. Futja e masave policore në Kuvend është një shkelje tjetër e rëndë e Kushtetutës së Kosovës, të cilën e kanë shkelur dhe po e shkelin krerët institucionalë të vendit me qëllim për të realizuar kërkesat e Beogradit, Moskës e BE-së për kthimin e Serbisë në Kosovë, tash për tash përmes krijimit të republikës serbe në veri e cila për fillim po quhet Asociacion dhe më vonë me forma e veprime të tjera ajo i bashkohet Serbisë. Kosovën po e zhytin në kaos edhe disa nga ata që e kanë zhytur në vitin 1981, 1989 kur delegatët shqiptarë të Kuvendit të atëhershëm të Krahinës Autonome të Kosovës ishin përjashtuar nga Kuvendi.
