Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër nga LDK-ja, Lumir Abdixhiku, ka kritikuar ashpër gjuhën e përdorur nga Lëvizja Vetëvendosje gjatë tubimeve zgjedhore, duke e cilësuar si gjuhë fyese dhe si shenjë paniku të kundërshtarëve politikë. Abdixhiku sfidoi hapur kryeministrin Albin Kurti për një debat publik mbi programet qeverisëse, duke theksuar rëndësinë e një ballafaqimi të hapur me ide dhe vizione për të ardhmen e Kosovës. Gjuha që përdorin ata është fyese, jo vetëm për qytetarët e Kosovës, por edhe për partinë më të vjetër të vendit. Është një tregues i nervozizmit dhe panikut të tyre. Unë nuk do të përfshihem në këtë ‘moçal të pështymave politike’. Përkundrazi, ftoj për debat, kudo dhe kurdo. Në selinë e tyre, në zyrën e kryeministrit, madje edhe në tubimet e tyre. Ballafaqimi me ide është detyrë dhe obligim për ne që pretendojmë të udhëheqim vendin,” deklaroi Abdixhiku.
