Kanë filluar dëgjimet buxhetore për hartimin e Projektbuxhetit për vitin 2027

27/07/2026 Institucionet

Komuna e Ferizajt ka filluar dëgjimet buxhetore për hartimin e Projektbuxhetit për vitin 2027.

Në hapje të këtij procesi konsultues, drejtoresha e Financave, Sebahate Ajeti-Sadiku, u shpreh se këto takime janë shumë të rëndësishme, pasi përmes tyre dëgjohen nga afër kërkesat dhe nevojat e qytetarëve, të cilat më pas shqyrtohen për t’u përfshirë në Projektbuxhetin e vitit 2027.

Dëgjimi i sotëm buxhetor u mbajt me kryetarët e fshatrave dhe përfaqësuesit e zonave urbane, të cilët paraqitën kërkesat dhe prioritetet e komuniteteve që përfaqësojnë.

Edhe kësaj radhe, ndër kërkesat më të shpeshta ishin ndriçimi publik, asfaltimi i rrugëve, hapja e rrugëve fushore, si dhe investime të tjera me interes për qytetarët.

Dëgjimet buxhetore do të vazhdojnë edhe nesër, me mjekët dhe drejtorët e shkollave të Komunës së Ferizajt.

Kontrolloni gjithashtu

Largohet deponia ilegale në hyrje të Stubllës – Komuna paralajmëron masa të ashpra ndaj ndotësve

Komuna e Vitisë, përmes Drejtorisë së Shërbimeve Publike dhe në koordinim me Drejtorinë e Inspekcionit, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara