Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Kuvendit nga Partia Demokratike e Kosovës, Vlora Çitaku, ka kritikuar ashpër mos vendosjen si prioritet të rezolutës për mbrojtjen e viktimave të luftës, duke e cilësuar situatën si tregues të një kulture të dobët politike në vend. Ajo theksoi se, pavarësisht dakordimit paraprak ndërmjet grupeve parlamentare për përmbajtjen e rezolutës, insistimi i PDK-së mbetet që kjo çështje të trajtohet menjëherë pas pyetjeve parlamentare, si pika më e rëndësishme e seancës. Sipas saj, fakti që Kuvendi mban seancë pa rend të qartë dite dhe pa e vendosur këtë rezolutë në krye të diskutimeve, dëshmon mungesë serioziteti institucional ndaj një teme që lidhet drejtpërdrejt me të vërtetën historike të luftës së viteve 1998–1999. Çitaku u shpreh se pranimi i kërkesës së opozitës nuk përbën as dobësi dhe as turp, por një akt përgjegjësie politike, ndërsa vonesat dhe hezitimet e shumicës, sipas saj, rrezikojnë ta relativizojnë trajtimin e një prej kapitujve më të rëndësishëm të historisë së Kosovës.
