KËSHILLI I EKSPERTËVE PËR PROGRAME DHE TEKSTE SHKOLLORE KA ORGANIZUAR PUNËTORI PËR FINALIZIMIN E DOKUMENTEVE PËR TEKSTET SHKOLLORE

06/04/2018 Institucionet

Këshilli i ekspertëve për programe dhe tekste shkollore, (KEPTSh) ka organizuar punëtorinë tre ditore për finalizimin e dokumenteve për tekste shkollore, kryesisht finalizimin e konkursit për tekstet shkollore dhe udhëzimin për recenzentët. Në këtë punëtori po marrin pjesë edhe përfaqësues nga Ministria e Arsimit, Shkencës dhe Sportit e Republikës së Shqipërisë (MAShS) dhe Instituti për Zhvillimin e Arsimit (IZhA) në fushën e përzgjedhjes se teksteve për gjuhët e huaja: gjuha angleze, gjermane dhe franceze. Ferim Gashi, kryesues i KEPTSh-it, me këtë rast theksoi se, MAShT është duke e bërë finalizimin e dokumenteve që kanë të bëjnë me përzgjedhjen e teksteve të reja, tekste këto që planifikohen të hyjnë në përdorim në shtator të vitit 2019. Tatjana Vuçani, specialiste në Drejtorinë e Zhvillimit të Programeve të Arsimit Parauniversitar në MAShS-së, gjatë fjalës së saj tha së në Shqipëri ka pasur shumë alternativa për përzgjedhjen e teksteve sa i përket gjuhëve të huaja, asaj angleze, gjermane dhe franceze. Ajo theksoi se duke u nisur nga shumësia e teksteve, ka pasur mundësi që të bëhet përzgjedhja më e mirë dhe më e duhur për t’iu ofruar nxënësve cilësi. Në fund, u theksua se bashkëpunimi i Ministrisë së Arsimit, Shkencës dhe Teknologjisë të Kosovës dhe asaj të Shqipërisë është i mirëseardhur dhe ndihmon shumë për  mënyrën se si  bëhet përzgjedhja e teksteve të gjuhëve të huaja.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara