Prokuroria e Shtetit lëshoi takimin me Ministrinë e Drejtësisë për mos distancim nga deklaratat e zëvendës-ministrit, Sallahu

Këshilli Prokurorial i ka quajtur të pasakta deklaratat e kryeministrit Kurti dhe ministres Haxhiu

Këshilli Prokurorial dhe Prokurori i Shtetit kanë reaguar ndaj deklaratave të bëra sot nga kryeministri, Albin Kurti dhe ministrja e Drejtësisë, Albulena Haxhiu, të cilat i ka quajtur të pasakta. Në reagim thuhet se informacionet e deklaruara sot nga Kryeministri janë të pasakta, nuk kanë të bëjnë asgjë me realitetin dhe janë krejtësisht tendencioze për sistemin prokurorial. “KPK dhe Prokurori i Shtetit ia bëjnë me dije Kryeministrit dhe Qeverisë se statistikat zyrtare nuk hartohen me paragjykime, por verifikohen, analizohen me profesionalizëm dhe miratohen në takimet e hapura për publikun nga ana e Këshillit Prokurorial të Kosovës. Për më tepër, ky deklarim i pasaktë dhe tendencioz i Kryeministrit, shpreh nevojën që Kryeministri i vendit të bashkëpunojë dhe bashkëveprojë me sistemin prokurorial në suaza të kompetencave përkatëse, duke respektuar normat dhe standardet e funksionimit demokratik të institucioneve në Republikën e Kosovës” thuhet në mes tjerash në reagim.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …