KFOR-i njoftuar se nuk ka negociuar për tërheqjen e paramilitarëve serbë në Banjskë dhe ka mohuar raportimin e fundit se gjatë sulmit të grupeve paramilitare serbe në Banjskë, më 24 shtator të vitit të kaluar, kishte negociuar tërheqjen e sulmuesve serbë. “Kjo është e pasaktë. Në asnjë moment KFOR-i nuk ishte i përfshirë në negociatat e supozuara. Pasi u thirr për të përforcuar praninë e tij, KFOR-i u koordinua ngushtë me Policinë e Kosovës dhe misionin e BE-së për sundimin e ligjit (EULEX) për të rivendosur sigurinë në zonë”, thuhet në komunikatën e KFOR-it.
![Për KFOR-in mbetet e paqartë se ku kanë qenë policët e Kosovës në kohën e kidnapimit nga forcat serbe](https://www.radiokosovaelire.com/wp-content/uploads/2019-05-22-kfor-verlaengerung-1--660x330.jpg)