Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorja e Turqisë në Prishtinë, Kivilcim Kiliç, në një intervistë për gazetën “Epoka e re”, ka thënë se Turqia është mike e Kosovës dhe do ta përkrahë atë në procesin e integrimit në Bashkimin Evropian. Ajo ka vlerësuar lart marrëdhëniet e mira në mes të Turqisë dhe Kosovës, si dhe është zotuar se do të ketë avancim të bashkëpunimit në mes të dy vendeve dhe dy popujve. Ndërkohë, duke folur për grusht-shtetin e 15 korrikut në Turqi, ajo ka thënë se Turqia, miqtë e saj dhe i gjithë rajoni, e kanë tejkaluar një rrezik shumë të madh. Sipas Kiliçit, Turqia është përballur me një tradhti dhe përpjekje nga ana e grupit terrorist të Fetullah Gulenit, që ka pasur për qëllim rrëzimin e institucioneve demokratike dhe marrjen e shtetit në dorë.
