KEK
Fillimi / Lajmet / Kina kërkon maturi e vetëpërmbajtje nga Shtetet e Bashkuara të Amerikës rreth çështjes së Tajvanit
Kina kërkon maturi e vetëpërmbajtje nga Shtetet e Bashkuara të Amerikës rreth çështjes së Tajvanit

Kina kërkon maturi e vetëpërmbajtje nga Shtetet e Bashkuara të Amerikës rreth çështjes së Tajvanit

Zëdhënësi i Ministrisë së Jashtme të Kinës, Wang Wenbin, në një deklaratë për medie kërkoi nga  Shtetet e Bashkuara të Amerikës të jenë të matura me fjalët dhe veprimet e tyre rreth çështjes së Tajvanit e të mos dërgojë ndonjë sinjal të gabuar te “forcat separatiste për pavarësinë e Tajvanit”. Kjo ishte përgjigjja zyrtare kineze në deklaratën e kryetarit, Joe Biden, i cili tha forcat amerikane do ta mbronin Tajvanin, nëse ishulli do të sulmohej nga Kina. Zëdhënësi i Ministrisë së Jashtme të Kinës, Wang Wenbin, tha se nuk ka hapësirë për kompromis ose koncesione për çështjen e Tajvanit, duke e përsëritur pretendimin e Kinës se ishullin e cilëson pjesë të territorit të saj, shkruan Associated Press.  “Kur bëhet fjalë për çështjet që lidhen me sovranitetin e integritetin territorial të Kinës dhe interesat tjera thelbësore, nuk ka hapësirë që Kina të bëjë kompromis apo koncesione dhe askush nuk duhet ta nënvlerësojë vendosmërinë e fuqishme, vullnetin e palëkundur dhe aftësinë e fortë të popullit kinez për t’i mbrojtur sovranitetin kombëtar dhe integritetin territorial”, tha zëdhënësi kinez.

Kontrolloni gjithashtu

Krasniqi: 28 Nëntori është festë shumëdimensionale për shqiptarët

Kryetari i Partisë Demokratike të Kosovës, Memli Krasniqi ka vizituar godinën e Lidhjes Shqiptare të ...