Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së Partisë Demokratike të Kosovës, Gani Koci ka komentuar mos-emërimin e tij në krye të Ministrisë së Drejtësisë, pavarësisht se emri i tij ishte propozuar nga PDK për të qenë titullar i kësaj ministrie në kuadër të ri-formatimit të kabinetit qeveritar. Koci, i cili aktualisht mban postin e zëvendësministrit të Zhvillimit Ekonomik, ka bërë me dije se për mos-emërimin e tij në krye të Ministrisë së Drejtësisë duhet të kërkohen sqarime nga Kryesia e PDK-së. Ai ka përkujtuar se ishte vet Kryesia e kësaj partie e cila me 13 maj kishte marrë vendim që ai së bashku me Hajredin Kuçin dhe Enver Hoxhajn të jenë të nominuarit e PDK-së për postet që duheshin plotësuar në Qeveri. Koci ka mohuar disa informata jo-zyrtare që kanë qarkulluar se gjoja emri i tij ka qenë i padëshirueshëm për ndërkombëtarët. Anëtari i Kryesisë së PDK-së ka shtuar se nuk do të pranojë më të jetë në postin e ministrit të Drejtësisë, meqë siç ka thënë ai, nuk do të pranonte të ishte pjesë e marifeteve, pazareve dhe vendimeve të reja.
