Komuna e Ferizajt pjesë e Kartës së Gjelbër

31/05/2022 Institucionet

Gjatë ditës së sotme Nënkryetari i Komunës së Ferizajt, Lulzim Aliu, bashkë më Kryeministrin e Republikës së Kosovës, Albin Kurti, ka bërë nënshkrimin e Kartës për Komunën e gjelbër dhe të qëndrueshme. Përmes kësaj nisme Qeveria e Republikës së Kosovës, synon që përmes bashkërendimit të projekteve dhe intervenimeve në nivel lokal dhe qendror, të përshpejtojë realizimin e Marrëveshjes së Gjelbër për Kosovën dhe të avancojë drejt përmbushjes së Objektivave të Zhvillimit të Qëndrueshëm. Zbatimi i Agjendës së Gjelbër kërkon bashkërendim dhe harmonizim të qëllimeve dhe politikave në të gjitha nivelet e qeverisjes. Po ashtu, Komunat kanë mundësi të jashtëzakonshme dhe kompetenca të plota dhe ekskluzive të përmirësojnë cilësinë e jetës së qytetarëve duke integruar çështjet ekonomike, sociale dhe mjedisore në të gjitha proceset e zhvillimit urban. Procesi i transformimit në Komunë të gjelbër dhe të qëndrueshme është proces i gjatë dhe sfidues por i domosdoshëm. Marrëveshja për zbatimin e Agjendës së Gjelbër është një sfidë kolektive për të cilën duhet punë dhe angazhim i përbashkët duke filluar nga qeveria, ministritë, komunat, shoqëria civile, mediat dhe qytetarët.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara