Komuna e Malishevës në aksion për pastrimin e qytetit

Punëtorët e administratës në Komunën e Malishevës, së bashku me kreun e komunës, Ragip Begaj, të mërkurën i kanë pastruar rrugët e qytetit dhe hapësirat e gjelbëruara në qytet, në kuadër të muajit prill, muaj i pastrimit në Komunën e Malishevës. Ky aksion, është organizuar nga Drejtoria e Shërbimeve Publike.

Drejtori i Drejtorisë së Shërbimeve Publike, Milazim Morina, ka bërë të ditur se ky aksion, më shumë është simbolik dhe është një veprim i vetëdijesimit, për mirëmbajtjen e ambientit ku jetojmë, kurse muaji prill, edhe këtë vit do të jetë muaj i pastrimit.

“Gjatë muajit prill, kemi planifikuar ndërmarrjen e aksioneve të përbashkëta me njësinë e “Ekoregjionit” në Malishevë, për largimin e deponive ilegale të mbeturinave”, ka bërë të ditur drejtori Morina.

Kontrolloni gjithashtu

AAKV “Kastriotët” fitojnë dy çmime në manisfetimin kulturor-sportiv “Flakadani i Karadakut

Mbrëmë në edicionin e 23-të të festivalit të këngëve dhe valleve burimore shqipe, “Flakadani i …