Komuna e Mitrovicës vazhdon të mbështes fermerët me projekte të ndryshme

30/03/2016 Institucionet

Drejtori i drejtorisë së  Bujqësisë dhe Zhvillimit Rural në Komunën e Mitrovicës, Nasuf  Aliu, priti një grup fermerësh, të cilët i njoftoi për mundësinë e përfitimit të grandeve në fushën e grumbullimit të qumështit, pemëve e perimeve dhe bimëve aromatike.

Ai i njoftoi fermerët edhe për takimin që bashkë me kryetarin e komunës së Mitrovicës,  Agim Bahtiri kanë pas me ministrin e Bujqësisë dhe Zvillimit Rural, Memli Krasniqi, ku është biseduar për mbështetjen e fermerëve të Mitrovicës me prioritet, për shkak të situatës së vështirë në të cilën ndodhet komuna.

Drejtori Aliu ju tha fermerëve se duke pas parasysh rëndësinë e këtyre bizneseve,  komuna e Mitrovicës së shpejti do të ndaj një fond prej 15.000 euro për fermerët që do të aplikojnë dhe që i plotësojnë kushtet për këto veprimtari.

“Nga veprimtaritë e lartpërmendura mund të përfitohet dhe të jetohet mirë dhe mund të kontribuohet në zhvillimin ekonomik të komunës. Ne si komunë do të krijojmë kushte dhe mundësi për programe të ndryshme dhe të rëndësishme në fushën e bujqësisë, ndërsa mbetet që ju të sillni projekte konkrete, të cilat ne do i mbështesim”, tha ndër të tjera drejtori Aliu.

Kontrolloni gjithashtu

U mbajt mbledhja e radhës e Këshillit Komunal për Siguri në Bashkësi të Skenderajt

Sot, në Sallën e Bordit të Drejtorëve të Komunës së Skenderajt, duke filluar nga ora …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara