Komuna e Prishtinës

Komuna e Prishtinës shkel ligjin me tenderin e autobusëve

Nënkryetari i Komunës së Prishtinës, Dardan Sejdiu ka kryesuar komisionin për hapje dhe vlerësim të këtij tenderi gjë që është shkelje e rëndë e legjislacionit që rregullon prokurimin publik”. Dega e Partisë Demokratike të Kosovës, në Prishtinë, gjatë ditës së sotme, ka mbajtur një konferencë për shtyp, lidhur me shpalljen e fituesit të tenderit për blerjen e autobusëve. Anëtari i Kryesisë së kësaj dege, Triumf Sadikaj, ka bërë me dije se i janë  drejtuar Agjencionit Kundër Korrupsionit dhe Komisionit Rregullativ të Prokurimit Publik rreth dy çështjeve që kanë të bëjnë me tenderin e fundit të Komunës së Prishtinës për blerjen e autobusëve. Sadikaj, ka thënë se nënkryetari i Komunës së Prishtinës, Dardan Sejdiu ka kryesuar komisionin për hapje dhe vlerësim të këtij tenderi gjë që, sipas Sadikajt është shkelje e rëndë e legjislacionit që rregullon prokurimin publik, ndërsa çështja e dytë ka të bëjë  me përzgjedhjen e një kompanie e cila është 1.1milionë euro më e shtrenjtë sesa kompania më e lirë, vendim ky që  dëmton buxhetin e Komunës së Prishtinës dhe xhepin e qytetarëve të Prishtinës.

“1.1milionë euro të paguara më shumë nga Komuna e Prishtinës të cilat pretendojnë t’i mbulojnë me shtrenjtimin e biletës është bazë e mjaftueshme për t’u zhvilluar hetime sepse Komuna e Prishtinës është shndërruar në shtab të Vetëvendosjes dhe këto mjete mund të shfrytëzohen për të sponsorizuar shkatërrimin e kryeqytetit”, tha Sadikaj. Ai ndër të tjera tha se asamblistët e PDK-së e kanë përkrahë këtë investim dhe do të  përkrahin çdo investim të mirëfillt, transparent dhe në të mirë të qytetarëve të Komunës së Prishtinës.” Zyra e Komunikimit të PDK-së.

Kontrolloni gjithashtu

Bill Clinton dhe bashkëshortja e tij, Hillary Clinton, mbështesin kandidaturën e zonjës Kamala Harris për kryetare të Amerikës

Ish-kryetari Shteteve të Bashkuara, Bill Clinton dhe bashkëshortja e tij, Hillary Clinton, e cila garoi …