Komuna e Vitisë dhe CHwB Kosova shikojnë mundësitë e vazhdimit të bashkëpunimit në projekte të ndryshme

29/09/2020 Institucionet

Kryetari i Komunës së Vitisë, Sokol Haliti dhe Milot Lala, Drejtor për Kulturë, Rini dhe Sport në Viti kanë pritur sot në takim z. Alban Morina, Projekt Menaxher i Fondacionit Kosovar për Trashëgimi Kulturore pa Kufij (CHwB Kosova) dhe znj. Adea Mekuli – Projekt Menaxhere i këtij fondacioni për Kosovë. Gjatë këtij takimi në veçanti është biseduar për mundësitë për investime në Shtegun “Gjurmëve të Nënës Terezë̈” në Letnicë dhe krijimit të Planit të Menaxhimit për Muzeun e qytetit në Viti. Bëhet me dije se në kuadër të projektit të shtegut Kulturor “Gjurmëve të Nënës Terezë”, do të bëhet në kuadër të bashkëpunimit ndër-kufitar Kosovë-Maqedoni Veriore, i financuar nga Bashkimi Evropian. Ky projekt ndër aktivitetet kryesore ka parapa investime për restaurimin e mureve rrethore të Kishës së Zojës në Letnicë, më konkretisht në hapësirën ku mbahen festimet e përvjetshme për nder të Zojës së Letnicës. Gjatë këtij takimi është bërë me dije se projekti do të ndahet në dy faza ku faza e parë pritet të zbatohet në kuadër të projektit të bashkëpunimit ndër-kufitar ndërsa faza e dytë pritet të zbatohet në bashkëpunim të CHwB Kosovë dhe Komunës së Vitisë, ku do të trajtohej edhe rruga alternative për në Letnicë me qëllim që të evitohet transporti i ngarkuar dhe kolonat e gjata gjatë fetës së Zojës së Letnicës. Në këtë takim përfaqësuesit e CHwB Kosova ka ofruar bashkëpunim lidhur me krijimin e planit të menaxhimit për Muzeun e qytetit dhe zhvillimit të trajnimeve profesionale nga ekspertë̈ vendor, rajonal dhe ndërkombëtarë̈ të fushës së muzeologjisë̈ dhe kurimit. Gjatë këtij takimi u bë me dije që pritet që në të ardhmen ky bashkëpunim të konkretizohet më tutje përmes një̈ Memorandumi të Bashkëpunimet në mes të Komunës së Vitisë dhe CHwB Kosovës. Përndryshe në këtë takim ka marrë pjesë edhe Ibrahim Rama, Drejtor për Ekonomi, Financa dhe Zhvillim në Viti.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara