Konjufca: Përbërja e koalicionit të ardhshëm do të varet shumë edhe nga fitorja apo disfata e mundshme e Lutfi Hazirit

Shefi i Grupit Parlamentar të Lëvizjes Vetëvendosje, Glauk Konjufca, ka parashikuar koalicionin e ardhshëm qeverisës të vendit. Ai ka thënë se gjasat janë të mëdha që qeveria e ardhshme e vendit të udhëhiqet nga Lidhja Demokratike e Kosovës. Sipas tij, koalicioni i ardhshëm do të përbëhet ose nga Partia Demokratike e Kosovës dhe LDK-ja, ose nga Lëvizja Vetëvendosje dhe LDK-ja. Konjufca ka vlerësuar se përbërja e koalicionit të ardhshëm do të varet shumë edhe nga fitorja apo disfata e mundshme e Lutfi Hazirit.