Kosova dhe kombi shqiptar nuk ka tokë për të falur

Protesta kundër shënimit të vijës së demarkacionit mes Kosovës dhe Malit të Zi është shtrirë edhe në Tiranë. Profesorë dhe aktivistë të ndryshëm kanë njoftuar mbajtjen, ditën e hënë në mesditë, të një manifestimi përpara selisë së Ambasadës së Kosovës kundër këtij projekti. “Kosova dhe kombi shqiptar nuk ka tokë për të falur. Ne bëjmë thirrje për bashkim në tubimin-protestë para Ambasadës së Republikës së Kosovës në Tiranë, të hënën, më 29 gusht 2016, në ora 12:00, në kundërshtim të Marrëveshjes së Demarkacionit mes Kosovës dhe Malit të zi”, thuhet në një njoftim për shtyp.  Në njoftimin në fjalë nënvizohet se, personalitete dhe qytetarë nga Republika e Shqipërisë e kanë ndjekur me shqetësim të madh qëndrimin e qeverisë së Kosovës për këtë çështje.  “Ekspertë të shquar të gjeografisë, hartografisë, gjeodezisë dhe të së drejtës ndërkombëtare në Republikën e Kosovës, në Republikën e Shqipërisë dhe më gjerë, me argumente dhe fakte të pakontestueshme tregojnë se shqiptarët me këtë akt të fundit ndërkombëtar vijojnë të humbin territore, sovranitet, subjektivitet politik, në Ballkan dhe Evropë. (TCH)

Kontrolloni gjithashtu

Konferenca e kryetarëve të Parlamenteve të Bashkimit Europian, u mbyll dje në Palma de Majorca

Konferenca e kryetarëve të Parlamenteve të Bashkimit Europian, u mbyll dje në Palma de Majorca

Konferenca e kryetarëve të Parlamenteve të Bashkimit Europian, u mbyll  dje në Palma de Mallorca, me …