leoni

Kosova po përgatitet të jetë konkurrent në tregun evropian

Është hapur Panairi i produkteve bujqësore dhe Agroindustriale “Prishtina 2016”, në të cilin po marrin pjesë edhe përfaqësues nga oda ekonomike e Maqedonisë, Shqipërisë, Serbisë dhe Malit të Zi.

Në hapje të këtij panairi, i pranishëm ishte edhe kryeministri i Kosovës, Isa Mustafa, i cili tha se Qeveria ka prioritet zhvillimin ekonomik, veçmas fushën e bujqësisë, me të cilën janë arritur rezultate të larta. Ai tha se për këtë fushë janë ndarë subvencione dhe grande të shumta, po ashtu janë përkrahur edhe panaire të tilla. I pari i Qeverisë, shtoi se Kosova ka nevojë që të rrisë prodhimtarinë e brendshme, në mënyrë që të rritet eksporti dhe cilësia e produkteve.

“Kemi trend të rritjes ekonomike dhe eksportit gjatë këtij viti. Tani po përgatitemi të jemi konkurrent dhe në tregun evropian”, tha Mustafa.

Në anën tjetër, kryeparlamentari Kadri Veseli, theksoi rëndësinë e bashkëpunimit të rajonit. Sipas tij, ky panair përçon mesazh inkurajues për të gjithë fermerët. Veseli tha se Bujqësia është një element kyç që ndikon në përmirësimin e bilancit tregtar dhe përmirësimin e jetës së qytetarëve.

Kryetari i Odës Ekonomike të Kosovës Safet Gërxhaliu tha se sektori privat po ecën me hapa të sigurt, pavarësisht sfidave të shumta.

Kontrolloni gjithashtu

Sot në Kuvendin e Kosovës mbahet seanca e jashtëzakonshme e thirrur nga partitë opozitare

Deputetët flasin për detyrimet e mundshme financiare të Kosovës

Kuvendi i Kosovës vazhdon seancën plenare, ku do të diskutohet lidhur me detyrimet e mundshme …