Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Publicisti, kontravers, kosovari i vetëdeklaruar, Halil Matoshi, i cili në paraqitjet e tij kundër komandantëve të UÇK-së ishte ndër të parët, ashtu sikur edhe kundër prijatarëve të Republikës së Kosovës të vitit 1981, ishte dhe është për demarkacionin e sidomos për Asociacionin, është kundërshtar me vulë kundër bashkimi të shqiptarëve dhe tani iu ka bashkuar AAK-së. Ramush Haradinaj, ashtu sikur e do rasti e çasti e lavdëroi Matoshin se ka qenë nga protagonistët e parë proceseve nëpër të cilat ka kaluar vendi, që nga koha e bashkëpunimit me ish-presidentin Ibrahim Rugova në vitet e 90’ta. Matoshi ka deklaruar se ai u ka besuar dy njerëzve: presidentit Ibrahim Rugova dhe Ramush Haradinajt, i cili ka qenë kryeministri i parë i tij. Këta janë gazetarët e pavarur dhe “llum” analistët e Kosovës që sapo rrahin gjoks e çirren në pavarësinë e tyre, e hanë “sapunin për samun” dhe iu turren komandantëve, “të korruptuar”. Kështu ka bërë kohë më parë alamet analisti i pavarur, Muharrem Nitaj, pastaj analistja më e përkushtuar për luftë kundër “SHIK”ut, dhe kundër islamit, Arbana Xharra, i vetëquajturi analist, Driton Selmanaj. Kështu kishin bërë disa vjet më parë edhe gazetarucët e pavarur që kishin “rrëshqitur” në PDK : Berat Buzhala, Ilir Mirena, Petrit Selimi dhe tërë një shpurë gazetarësh të vetëquajtur “profesionistë”.
