Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nuk kanë të ndalur përplasjet verbale mes partive që para disa muajsh përbënin opozitën e bashkuar. Situata është tendosur edhe më pas deklaratës së ish-anëtarit të Kryesisë së AAK-së, Burim Ramadani i cili ka akuzuar në mënyrë të tërthortë anëtarët e Vetëvendosjes për sulmet me koktej mollotovi dhe djegien e veturave të Qeverisë. I menjëhershëm ka qenë reagimi i zëdhënësit të Vetëvendosjes, Frashër Krasniqi, i cili AAK-në e ka cilësuar si ‘argat të Kadri Veselit’. Në një postim të afishuar në profilin e tij në Facebook, Krasniqi ka thënë se kjo deklaratë e Ramadanit nuk është vetëm flirtim me pushtetin e kriminalizuar, por edhe bashkëpunim me të. “Para pak kohësh, Kadri Veseli e fitoi edhe një argat, AAK-në. Kurse sot, prokuroria e kapur nga Kadri Veseli e fitoi edhe një dëshmitar të rrejshëm për përndjekjen politike të VETËVENDOSJE!-s, Burim Ramadanin. Ky i fundit – me një gjuhë saktësisht të njëjtë me atë të Qeverisë para një muaji – sot e paska akuzuar me të pavërteta VETËVENDOSJE!-n për djegie makinash. Ky nuk është më flirtim me pushtetin. Ky është bashkëpunim me pushtetin e kriminalizuar”, thuhet në reagimin e zëdhënësit të Vetëvendosjes, Frashër Krasniqi.
