Kryeministri i vendit, Ramush Haradinaj shprehet optimist për anëtarësimin e Kosovës në NATO

Kryeministri i vendit, Ramush Haradinaj shprehet optimist për anëtarësimin e Kosovës në NATO

Kryeministri i vendit, Ramush Haradinaj, u shpreh optimist për anëtarësimin e Kosovës në NATO. “Ne jemi në komunikim të vazhdueshëm me NATO-n. Këtë le ta dijë çdokush. Jemi në komunikim edhe me vende shumë të rëndësishme të NATO-s, si Amerika, Gjermania, Italia, Franca etj”. “Dje isha në KFOR, ishte një stërvitje e përbashkët “Shpata e Argjendtë 18/2”. 17 institucione të sigurisë së Kosovës ishin pjesë e kësaj stërvitjeje. Ne jemi në NATO. Mos keni dilema për këtë, mos u mërzitni. Të mos lodhet dikush me skepticizma”. Ai, gjithashtu, falënderoi NATO-n për punën që po bën për ruajtjen e paqes dhe sigurisë në vend. Sa i përket ushtrisë, Haradinaj u shpreh i kënaqur me kalimin e tre ligjeve. “Procesi i mandatimit të ushtrisë nuk ka të bëjë me kompetenca të zgjeruara. Është mandat i ri për FSK-në. S’ka asgjë mangët se sa ndonjë ushtri tjetër”.

Kontrolloni gjithashtu

Ejup Maqedonci: Serbia me qasjen e saj hegjemoniste dhe agresive karshi Kosovës do të bëjë që tensionet të vazhdojnë

Ministri i Mbrojtjes së Kosovës, Ejup Maqedonci, dje pas bllokimit në kufi me Serbinë të …