Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Isa Mustafa, në kuadër të qëndrimit të tij në Bruksel, u takua me deputeten e Parlamentit Evropian, Ulrike Lunacek. Në këtë takim u fol kryesisht për agjendën eurointegruese, liberalizimin e vizave dhe avancimin e mëtejshëm të proceseve në Kosovë. Kryeministri, gjatë takimit, ku ishte i pranishëm edhe ministri i Integrimit Evropian, Bekim Çollaku, theksoi se tashmë janë përmbushur të gjitha kriteret dhe rekomandimet për liberalizimin e vizave. “Liberalizimi i vizave për qytetarët e Kosovës, përveç të tjerave, do të mundësonte lëvizjen e lirë të njerëzve dhe qarkullim të shtuar ekonomik, veçanërisht pas hyrjes në fuqi të Marrëveshjes së Stabilizim Asociimit”. Ndërkaq, eurodeputetja, Ulrike Lunacek përsëriti mbështetjen e saj për Kosovën.
