Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Isa Mustafa është takuar sot me këshilltarin federal të Zvicrës, Guy Parmelin, i cili është edhe udhëheqës i Departamentit Federal të Mbrojtjes dhe Sportit. Gjatë takimit, ku ishin të pranishëm edhe zëvendëskryeministri, Kujtim Shala dhe ministri i FSK-së, Haki Demolli, kryeministri Mustafa e njoftoi zyrtarin zviceran mbi zhvillimet në vend. Kryeministri, Mustafa foli edhe për procesin e shndërrimit të FSK-së në Forca të Armatosura, duke sqaruar se janë bërë të gjitha përgatitjet për një gjë të tillë. Ndërkaq, këshilltari Federal, njëherësh udhëheqës i Departamentit Federal të Mbrojtjes, të Mbrojtjes Civile dhe Sportit (DDPS), Guy Parmelin, vlerësoi të arriturat në Kosovë. Në këtë drejtim, ai shprehu nevojën e identifikimit të fushave në të cilat bashkëpunimi ndërmjet dy vendeve mund të thellohet edhe më tutje, si në aspektin ekonomik, të investimeve dhe në lëmenj të tjerë.
