Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryesuesi i OSBE-së, njëherësh ministri i Jashtëm i Maqedonisë së Veriut, Bujar Osmani, bëri vizitën e tij të parë në misionin në terren në cilësi të Kryesuesit të OSBE-së. Ai së bashku me ministrin e Brendshëm Oliver Spasovki dhe shefin e misionit të OSBE-së në Shkup, Kilian Wahl, vizituan qendrën policore në Gjorçe Petrov në Shkup, ku biseduan me pjesëmarrësit e trajnimeve në kuadër të programeve të Misionit të OSBE-së. Ata gjithashtu morën pjesë në një stërvitje demonstruese nga Njësia Speciale Antiterroriste – Tigrat dhe Njësia K9 pranë MPB-së. Osmani, Spasovski dhe Wahl pas ngjarjes dhanë deklaratë të përbashkët për media. Ministri Osmani theksoi se ka disa arsye pse kryesimin e fillojnë, pas Kievit, me një vizitë në misionin në terren në Shkup. “Së pari, për shkak se misionet në terren janë në fokusin e kryesimit tonë si vendi me misionin më të vjetër të OSBE-së. Më së mirë e dimë se çka nënkupton OSBE në terren dhe besojmë se kemi kredibilitetin për të përdorur atë rol dhe funksion të OSBE-së në terren në të gjithë rajonin e OSBE-së. Shkaku i dytë është se pikërisht misioni në Shkup është më i vjetri, pra misioni i parë në terren i hapur i OSBE-së, në vitin 1992, 30 vjet më parë”, theksoi ai.
