Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Sigurisë Kombëtare i Turqisë dënoi ashpër sulmet kundër Kuranit, duke i quajtur ato manifestime të racizmit antiislam, transmeton Agjencia Anadolu. Në një deklaratë pas një takimi tre-orësh të Këshillit nën kryesimin e presidentit Rexhep Tajip Erdoğan në kryeqytetin Ankara, thuhet: “U dënuan ashpër sulmet e tmerrshme, të cilat janë një manifestim i racizmit antiislam dhe shënjestrojnë vlerat e shenjta të miliarda njerëzve”. Deklarata erdhi pasi Edwin Wagensveld, një politikan holandez i ekstremit të djathtë dhe udhëheqës i grupit islamofobik Pegida, të dielën grisi faqet nga një kopje e Kuranit në Hagë, ndërsa më pas dogji faqet e grisura. Akti i tij zgjoi një protestë përpara ambasadës turke në Stokholm të shtunën, ku po ashtu u dogj e një kopje të Kuranit nën mbrojtjen e policisë dhe lejen e qeverisë suedeze. Ata që inkurajojnë dhe mbrojnë veprimet që “minojnë vlerat si liria e fesë, ndërgjegjes dhe mendimit, janë partnerë në krimin e urrejtjes”, thuhet në deklaratën e Këshillit të Sigurisë Kombëtare të Turqisë.
