MIT
kek
valamobile
mbpzhr grante
Airport Adem Jashari
Fillimi / Lajmet / Kryetari i Lëvizjes Vetëvendosje, Albin Kurti i ka kujtuar Rexhep Malën e Nuhi Berishën në 35-vjetorin e rënies heroike të tyre
Kurti: Le të festojmë sepse le të anojmë kah e drejta, kah e mira, kah e vërteta, kah e mbara, kah e bukura

Kryetari i Lëvizjes Vetëvendosje, Albin Kurti i ka kujtuar Rexhep Malën e Nuhi Berishën në 35-vjetorin e rënies heroike të tyre

Lideri i Lëvizjes Vetëvendosje, Albin Kurti, ka kujtuar në 35-vjetorin e rënies Rexhep Malën e Nuhi Berishën. Ai, ka shkruar se Rexhep Mala e Nuhi Berisha, njëri mësues e tjetri student, ishin të patrembur. “Një agim i përgjakur ishte ai i 35 viteve më parë, në Prishtinën e 12 janarit 1984. Pas një rezistence të armatosur që zgjati një natë të tërë, u vranë prej pushtuesve serbë Rexhep Mala, asokohe 33 vjeçar, nga Hogoshti i Dardanës, dhe Nuhi Berisha, 23 vjeçar nga fshati Svircë i Dardanës. Dy dëshmorët u vranë në lagjen e cila më pas për nder të tyre u quajt Kodra e Trimave. Dëshmitarët, të cilët janë ende gjallë, tregojnë se përgjatë rrethimit, në shkëmbim të vazhdueshëm të plumbave, dy dëshmorët tanë vazhdimisht kanë kënduar këngë patriotike. Në atë natë të errët të shtypjes mizore, banorët e Kodrës së Trimave e panë të parët dritën e Flakës së Janarit, dritë e trimërisë, dritë e plumbave, dritë e këngës, drita e gjakut të pastër të dëshmorëve të rënë për idealin e çlirimit e bashkimit kombëtar. Rexhep Mala e Nuhi Berisha, njëri mësues e tjetri student, ishin të patrembur. Rexhepi, si më i vjetër, kishte mbajtur edhe 9 vite burg, i arrestuar në 1974 bashkë me grupin e Adem Demaçit. Prej tij na ka mbetur ditari i burgut. Ndërsa Nuhiu, edhe pse shumë i ri, kishte tashmë përvojë revolucionare me pjesëmarrjen në demonstratat e 1981, që në moshën 20 vjeçare. Në 35 vjetorin e rënies së dy dëshmorëve Rexhep Mala e Nuhi Berisha duhet t’ia përkujtojmë vetes misionin tonë historik, idealin tonë kombëtar, që e marrim prej dëshmorëve. Rruga jonë është rruga e tyre. Dhe veç në respekt të dëshmorëve përkulemi!”, ka shkruar Kurti.

Kontrolloni gjithashtu

Rexhep Qosja: Jam pro shkëmbimit të territoreve me Serbinë, kundër ndarjes

Akademiku i shquar Rexhep Qosja ka drejtuar kritika ndaj klasës politike

Akademiku i shquar, Rexhep Qosja ka drejtuar kritika të ashpra ndaj ndaj klasës politike të ...