Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka mbajtur një takim me të rinjtë dhe strukturat e partisë në Kijevë dhe zonat përreth. Limaj deklaroi se partia është e përgatitur për nisjen e fushatës elektorale, duke theksuar gatishmërinë për një rikthim të fuqishëm në Kuvendin e Kosovës. Përmes një postimi, Limaj theksoi rëndësinë e përfshirjes së strukturave të nëndegëve në Malishevë dhe përgatitjeve të bëra deri tani. Ai shtoi se Nisma është e gatshme të përballet me sfidat dhe të ofrojë zgjidhje për problemet e vendit. Strukturat organizative të nëndegëve në Malishevë dhe jo vetëm, tashmë kanë bërë përgatitjet e fundit para hapjes së fushatës elektorale, duke treguar një gatishmëri të madhe për një rikthim të fuqishëm të zërit të Nismës në Kuvendin e Kosovës. Fatmir Limaj theksoi se kjo parti synon të sjellë vepra konkrete përballë sfidave ekonomike, energjetike dhe përfaqësimit diplomatik, të cilat, sipas tij, kërkojnë zgjidhje urgjente.
