Kryetari i komunës së Rahovecit Smajl Latifi ka nënshkruar edhe zyrtarisht Marrëveshjen e Mirëkuptimit me Ministrinë e Zhvillimit Rajonal, për financimin e ndërtimit të sheshit në qendër të qytetit, i cili do të financohet me 80% të mjeteve nga ministria dhe 20% nga Komuna e Rahovecit. Ky projekt do të mundësojë shfrytëzimin më të mirë të hapësirës publike si dhe funksionimin më të përshtatshëm të të gjitha veprimtarive që zhvillohen në qendrën e qytetit të Rahovecit. Kryetari Latifi e ka falënderuar ministrin Fikrim Damka, për përkrahjen e dhënë për Komunën e Rahovecit!