Përparim Rama: Qeni endacak që i sulmoi mjekët e QKUK-së "është arrestuar", është dërguar në mbajtje(!)

Kryetari Përparim Rama me përulësi kujton dhe nderon të mbijetuarit e dhunës seksuale gjatë luftës në Kosovë

14/04/2026 Institucionet

Kryetari i komunës së Prishtinës, z. Përparim Rama me anë të një postimi në facebook, ka kujtuar dhe dneruar të mbijetuarit e dhunës seksuale gjatë luftës në Kosovë. Kjo ditë është një thirrje për kujtesë, drejtësi dhe solidaritet.

“Të mbijetuarit bartin mbi supe një histori dhimbjeje, por edhe një forcë të jashtëzakonshme që frymëzon gjithë shoqërinë tonë. Ata nuk janë vetëm viktima të një krimi të rëndë lufte, por simbol i qëndresës, dinjitetit dhe guximit për të vazhduar jetën përpara.

Në këtë ditë, ne përkulemi me respekt para secilit prej tyre, duke riafirmuar përkushtimin tonë për të luftuar stigmën, për të kërkuar drejtësi dhe për të ndërtuar një shoqëri që i mbështet dhe i trajton me dinjitetin që meritojnë. Kujtesa jonë kolektive duhet të jetë e gjallë, jo vetëm për të nderuar të kaluarën, por edhe për të siguruar që krime të tilla të mos përsëriten kurrë.

Le të jetë kjo ditë një zotim i përbashkët për empati, mbështetje dhe drejtësi. Zëri i të mbijetuarve duhet të dëgjohet, të respektohet dhe të mbetet pjesë e ndërgjegjes sonë kombëtare.

Nderim për të mbijetuarit. Kujtesë për historinë. Angazhim për drejtësi”, ka shkruar kryetari Përparim Rama.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara