Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, është takuar me shefen e re të EULEX-it në Kosovë, Aleksandra Papadopulu. Përmes një komunikate të Presidencës bëhet e ditur se në këtë takim është diskutuar për bashkëpunimin e mirë të institucioneve të Kosovës me EULEX-in, për shtimin e kapaciteteve të reja dhe për sfidat e institucioneve të drejtësisë. “Bashkëpunimi me institucionet dhe puna e mirë e EULEX-it kanë bërë që deri më tani ky mision të ketë shumë suksese në Kosovë. Falë mbështetjes së EULEX-it edhe institucionet tona të drejtësisë janë fuqizuar dhe kanë rritur kapacitetet e tyre të punës. Kosova ka qenë dhe mbetet e përkushtuar në konsolidimin e sundimit të së drejtës”, ka thënë Thaçi. Ndërsa, shefja e re e misionit të BE-së Aleksandra Papadopulu, tha se EULEX do të vazhdojë bashkëpunimin me institucionet e Kosovës.
