Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Organizatës së Veteranëve të Luftës së UÇK-së, Fatmir Sopi, ka shprehur pritjen që Gjykata Speciale në Hagë të marrë një vendim të drejtë dhe lirues për ish-krerët e Ushtrisë Çlirimtare të Kosovës. Sopi deklaroi se vendimi duhet të mbështetet në provat e shqyrtuara gjatë procesit gjyqësor dhe jo në dëshmi që ai i cilësoi të sajuara e të dërguara nga Serbia. Ai tha se një vendim lirues do t’i përgjigjej drejtësisë ndërkombëtare dhe do t’ia zbardhte fytyrën asaj, duke theksuar se, sipas tij, lufta e UÇK-së ishte e drejtë dhe çlirimtare. Sopi kritikoi gjithashtu deklaratat nga Serbia për rrezikimin e komunitetit serb në Kosovë, duke i cilësuar ato si propagandë dhe përpjekje për të përgatitur terrenin për skenarë të ndryshëm pas vendimit të gjykatës. Ai përsëriti bindjen se trupi gjykues duhet të marrë një vendim të bazuar në prova relevante dhe jo në dëshmi të manipuluara
