Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sipas vlerësimit kushtetues të lëshuar nga Zyra Ligjore e Kryeministrit të Kosovës, thuhet se kryetari, Hashim Thaçi ka kryer shkelje të rëndë kushtetuese gjatë kohës sa ka qenë kryeministër dhe kjo përbën bazë për të nisur procedurat për shkarkimin e tij. Kryeministri, Albin Kurti e ka njoftuar kryekuvendaren e Kosovës, Vjosa Osmani se kishte kërkuar analizë ligjore të një marrëveshjeje sekrete të prillit të vitit 2013 midis Hashim Thaçit, asokohe kryeministër dhe Sekretarit të atëhershëm të Përgjithshëm të NATO-s, Anders Fogh Rasmussen. Kurti ka kërkuar analizë të marrëveshjes sekrete NATO-Thaçi për Veriun, pasi sipas tij përmes kësaj marrëveshje Thaçi në emër të Kosovës e barti te KFOR-i të drejtën absolute të vetos mbi të gjitha misionet e ardhshme të FSK-së në veri të Kosovës, për një periudhë të paafatizuar. Duke marrë parasysh provat në dispozicion të Zyrës së Kryeministrit, si dhe dispozitat relevante të Kushtetutës së Republikës së Kosovës, ekzistojnë baza të mjaftueshme për të konstatuar se kryetari Thaçi, gjatë kohës kur ishte kryeministër, ka kryer shkelje te rënda te Kushtetutës dhe se kryerja e këtyre shkeljeve justifikon inicimin e procedurës kushtetuese për shkarkimin e tij nga pozita e presidentit të Republikës së Kosovës”, thonë në Zyrën Ligjore të kryeministrisë.
