Kuvendi i Kosovës sot e vazhdon seancën plenare, në rend dite është votimi i propozim-rezolutës për dialogun

Kuvendi i Kosovës sot vazhdon seancën plenare e ku në rend të ditës janë 33 pika. Pika e parë e kësaj seance është votimi i propozim-rezolutës nga debati parlamentar lidhur me angazhimet e presidentit të Kosovës Hashim Thaçi për përfshirjen e “shkëmbimit të territoreve” apo “korrigjim të kufijve” në dialogun mes Kosovës dhe Serbisë. Kjo seancë pritet të fillojë në ora 11:00. Kujtojmë se kjo rezolutë për “shkëmbimit të territoreve” apo “korrigjim të kufijve” në dialogun mes Kosovës dhe Serbisë, u inicua nga Lidhja Demokrtatike e Kosovës dhe në seancën e kaluar dështoi të votohet për shkak të mungesës së votave të mjaftueshme.