Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rusia nuk do luftë në Evropë por shtetet perëndimore duan disfatën e Moskës në fushatën ushtarake në Ukrainë, ka deklaruar për mediet ministri i Jashtëm i Rusisë, Sergei Lavorv, i cili tha se shpreson që pas finalizimit të operacionit në Ukrainë t’i japin fund dominimit amerikan në botë. Sipas tij me përmbushjen e objektivave në Ukrainë do të kontribuojnë në frenimin e përpjekjeve të Perëndimit për të minuar të drejtën ndërkombëtare dhe parimet e kartës së OKB, përfshirë atë të barazisë sovrane të shteteve. Nëse jeni të shqetësuar mbi mundësinë e një lufte në Evropë ne nuk e duam këtë gjë aspak. Por dua t’iu tërheq vëmendjen mbi faktin se është perëndimi që vazhdimit dhe në mënyrë të vazhdueshme deklaron se në këtë situatë është e nevojshme mundja e Rusisë. Lavrov foli gjithashtu edhe për çështjen e energjisë duke thënë se Rusia ka blerës të mjaftueshëm për resurset e saj, jashtë Perëndimit. Komenti i referohet përpjekjeve të shteteve të BE-së për të reduktuar varësinë nga nafta dhe gazi rus.
