Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje e ka cilësuar si veprim të paprecedent, të cilin e ka bërë opozita me mos-votimin e marrëveshjes ndërkombëtare në mes Qeverisë së Kosovës dhe Asociacionit Ndërkombëtar për Zhvillim për projektin e reformës në sistemin e ndihmës sociale në Kosovë. Në një konferencë për media, nënkryetarja e Lëvizjes Vetëvendosje, Fatmire Kollçaku, ka thënë se janë të habitur me mos-votimin e kësaj marrëveshjeje nga opozita. Sipas saj, deputetët opozitarë nuk punojnë në interes të qytetarëve. Edhe deputeti, Armend Muja, e ka quajtur të paprecedent veprimin e partive opozitare në Kuvend, ku siç ka thënë ai, për herë të parë është refuzuar një marrëveshje ndërkombëtare me Bankën Botërore që prek familjet me asistencë sociale. Deputetët e PDK-së dhe LDK-së e kanë kundërshtuar marrëveshjen ndërsa për të kanë votuar vetëm 63 deputetë.
