Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja e Bizneseve të Kosovës ka shprehur mbështetjen e saj për kompaninë prodhuese Vita, duke u bërë thirrje Agjencisë së Ushqimit dhe Veterinarisë dhe institucioneve përgjegjëse që të publikojnë sa më shpejt rezultatet zyrtare të kontrolleve dhe analizave në sektorin e qumështit. Përmes një reagimi, LBK thekson se mbështet zbatimin e ligjit, kontrollet profesionale dhe mbrojtjen e sigurisë ushqimore, por kundërshton çdo veprim që, sipas saj, mund të ndikohet nga politika. “Rezultatet duhet të jenë ekskluzivisht profesionale, të pavarura dhe të liruara nga çdo ndërhyrje politike apo interes tjetër”, thuhet në reagim. Sipas LBK-së, çdo ditë vonesë në përfundimin e analizave po shkakton dëme të konsiderueshme për kompaninë Vita, blegtorët, fermerët, përpunuesit dhe të gjithë sektorin e qumështit, duke rrezikuar prodhimin vendor, vendet e punës dhe reputacionin e produkteve të Kosovës. LBK vlerëson se kjo situatë po krijon avantazh për produktet e importuara, duke dobësuar konkurrueshmërinë e prodhuesve vendorë dhe duke goditur një nga sektorët strategjikë të ekonomisë së vendit.
