Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e festës së Fiter Bajramit, udhëheqësit e institucioneve më të rëndësishme të vendit, liderët e partive politike, kryetarët e komunave dhe personalitete nga fusha të ndryshme po urojnë qytetarët për këtë festë. Kryetari i Lidhjes Demokratike të Kosovës, Isa Mustafa ka uruar që të ju pranohet agjërimi nga Zoti dhe ka shtuar më tutje se devotshmëria dhe përulja ndaj Zotit duhet të reflektohet edhe në marrëdhëniet më të mira ndërnjerëzore, të mbizotërojë paqja, dashuria dhe mëshira si vlerat më të larta humane. Edhe kryetar i Nismës Socialdemokrate, Fatmir Limaj ka shkruar se uroj që në këtë ditë feste, në familjet tuaja të mbretërojë paqja, mirëqenia e harmonia. Qytetarët janë uruar edhe nga kryetari i Skenderajt, Bekim Jashari. Ai ka uruar që Zoti i madhërishëm të pranoj agjërimin dhe lutjet tona! Kësaj radhe pa vizita familjare, festojmë në shtëpi me më të dashurit tonë, ka shkruar në mes tjerash, Bekim Jashari, nga familje emblematike t kombit, familja Jashari.
