valamobile
MIT
mbpzhr 2018
kek
Airport Adem Jashari
akp deri me 5 maj
Fillimi / Lajmet / Ligjvënësit në SHBA kanë arritur një marrëveshje për buxhetin në përpjekje për të shmangur mbylljen e qeverisë
Ligjvënësit në SHBA kanë arritur një marrëveshje për buxhetin në përpjekje për të shmangur mbylljen e qeverisë

Ligjvënësit në SHBA kanë arritur një marrëveshje për buxhetin në përpjekje për të shmangur mbylljen e qeverisë

Ligjvënësit në Shtetet e Bashkuara thanë se kanë arritur një marrëveshje në parim për buxhetin, në përpjekje për të shmangur një tjetër mbyllje të qeverisë. Negociatorët e Kongresit thanë se marrëveshja përfshin financime për disa barriera të reja në kufirin e SHBA-së me Meksikën. Megjithatë, shuma nuk është as afër 5.7 miliardë dollarëve që presidenti Donald Trump ka kërkuar për ndërtimin e një muri në kufi. Demokratët e Kongresit kanë refuzuar autorizimin e kësaj shume, duke e cilësuar si humbje të parave, ndërkohë që republikanët kanë synuar të shmangin mbylljen e qeverisë. Mbyllja 35-ditëshe, që ka përfunduar muajin e kaluar, ka bërë që qindra-mijëra punonjës federalë të mos marrin rroga. Sondazhet kanë treguar se amerikanët e kanë fajësuar Trumpin për këtë. Menjëherë pas njoftimit për arritjen e marrëveshjes në parim, Trump mbajti një tubim në El Paso të Teksasit, ku tha se muri do t’i mbronte amerikanët nga kriminelët e dhunshëm dhe drogat e paligjshme. Në javët e fundit, Trump ka kërcënuar me shpalljen e emergjencës kombëtare nëse Kongresi nuk i autorizon paratë për murin, por ligjshmëria e një mase të tillë është e diskutueshme. Sipas Kushtetutës amerikane, Kongresi ka fuqinë ligjore t’i miratojë masat buxhetore.

Kontrolloni gjithashtu

Avdullah Hoti: nuk ka dakordim e as legjitimet institucional për ta përfaqësuar Republikën në takimin e Berlinit

Avdullah Hoti: Nuk ka dakordim e as legjitimet institucional për ta përfaqësuar Republikën në takimin e Berlinit

Shefi i grupit parlamentar të Lidhjes Demokratike të Kosovës, Avdullah Hoti, ka thënë se për ...