Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lirohen nga akuzat për hedhjen e gazit lotsjellës në Kuvendin e Kosovës, Albulena Haxhiu, tani ministre e Drejtësisë, Pal Lekaj, Donika Kada Bujupi dhe Besa Baftiu. Gjykata Themelore në Prishtinë, i ka liruar nga akuzat për armëmbajtje pa leje, ministren e Drejtësisë, Albulena Haxhiu, deputetin Pal Lekaj dhe ish-deputetet, Donika Kadaj-Bujupi dhe Besa Haxhiu që akuzoheshin për rastin e hedhjes së gazit lotsjellës në Kuvendin e Kosovës. Shpallja e aktgjykimit u bë nga gjykatësja, Fatime Dërmaku, e cila tha se në mungesë të provave, të akuzuarit lirohen nga akuzat. Pesë vjet më parë shpërndarja e gazit lotsjellës në Kuvend ishte cilësuar si mbajtje e armës pa leje, ndërsa tani kur kanë ndërruar qeveritë, cilësimi i tillë nuk vlen. Sipas këtij arsyetimi me ndikim poltik, i bie se tani e tutje deputetët mund të marrin me vete bombola të gazit lotsjellës, pastaj edhe mund t’ i përdorin në Kuvend dhe kjo nuk përbën vepër penale.
